Бугун тунда "Ювентус" "Альянц" стадионида "ПСЖ"ни қабул қилиб, Чемпионлар лигасининг жорий мавсумдаги иштирокини якунлайди.
Бугунги ўйин олдидан бир нечта фактларга тўхталиб ўтамиз:
"ПСЖ" Туринда "Ювентус"ни бир марта ҳам мағлуб эта олмаган. Ва умуман олганда жорий мавсумдаги ғалаба парижликларнинг "Юве" устидан қозонган илк муваффақияти бўлди. 1997 йилда Туринда бўлиб ўтган Европа Суперкубоги учун баҳс бу жамоаларнинг Италиядаги сўнгги ўйини бўлиб турибди - ўшанда "бьянконерилар" 3:1 ҳисобида зафар қучган.
"ПСЖ"дан учралган ЕЧЛ биринчи ўйинидаги мағлубият "Ювентус" учун жорий мавсумдаги илк мағлубият бўлди, французлар билан учрашув олдидан Аллегри шогирдлари А Серияда иккита ўйинда ғалаба қозонган ва учта дуранг қайд этганди.
"ПСЖ" Чемпионлар лигаси гуруҳ босқичидаги сўнгги тўртта ўйинда ғалаба қозонди ва камида 4тадан гол урди.
Лионель Месси, Неймар ва Килиан Мбаппе мавсум бошидан буён "ПСЖ"нинг Чемпионлар лигасидаги 28 та голидан 26 тасига ҳисса қўшган.
Килиан Мбаппе ушбу мусобақанинг гуруҳ босқичида 6 та гол урди ва бу "ПСЖ" тарихидаги иккинчи энг яхши натижа. Лео Месси Чемпионлар лигасининг 4 та учрашувида 7 та фойдали ҳаракат амалга оширган (4 та гол ва 3 та голли узатма): аргентиналик футболчининг энг яхши кўрсаткичи фақат 2016/17 йилги мавсумда бўлган, у 10 та гол урган ва 2 та голли узатмани амалга оширган.
