"Интер" спорт директори Беппе Маротта унинг клуб ҳимоячи Милан Шкриньяр билан шартномани Қатарда бўлиб ўтадиган ЖЧ-2022гача узайтира олишига ишонч билдирмоқда.
"Шкриньярнинг жамоа учун қиймати майдонда ҳам, майдон ташқарисида ҳам жуда юқори. Мен умид қиламанки, музокараларни жаҳон чемпионати бошланишидан олдин, тахминан 13 ноябрга қадар муваффақиятли якунлашимизга ишонаман. Мен ижобий тараққиётни кўрмоқдаман”, - дея Мароттадан иқтибос келтиради Sky Sports.
Шкриньяр 2017 йилнинг июлидан буён "Интер" сафида тўп сурмоқда, жорий мавсумда у жамоа сафида 18 та ўйинда иштирок этди ва гол ура олмади.
Transfermarkt.com сайтида Шкриньярни 65 миллион еврога баҳоланган. 27 ёшли словакияликнинг амалдаги шартномаси 2023 йилнинг июнь ойи охиригача амал қилади.
