Хулен Лопетеги катта эҳтимол билан "Вулверхэмптон" бош мураббийи бўлиши мумкин, деб ёзади журналист Фабрицио Романо ўзининг Twitter саҳифасида.
Манбанинг хабарига кўра, испаниялик мутахассис инглиз клуби билан музокаралар олиб бормоқда ва улар муваффақиятли якунига яқин турибди. Эслатиб ўтамиз, икки ҳафта олдин Лопетеги “бўрилар”нинг таклифини рад этган, бироқ кейин янги музокараларни бошлаб юборганди.
56 ёшли Лопетеги бир неча ҳафта олдин "Севилья"дан ишдан бўшатилган ва ҳозир ишсиз. У аввалроқ “Райо Вальекано”, Испания терма жамоаси, “Порту” ва “Реал” клубларини бошқарган.
