Англиянинг "Манчестер Юнайтед" клуби ҳужумчиси Димитар Бербатов Туркиянинг "Галатасарой" клуби билан шартнома имзолашга яқин турибди, дея хабар бермоқда бир қатор турк спорт сайт ва нашрлари.
"Галатасарой" вице-президенти Рафик Аркан Бербатов борасида "МЮ" раҳбарияти билан музокараларга киришилганини расман тасдиқлади.
"Ҳа, биз Бербатов борасида Англияга расмий таклиф жўнатдик. Яқин кунлар ичида менежеримиз Манчестерга боради ва футболчининг трансфери борасидаги масалаларни ҳал қилади.
"Бизга айни дамда жаҳон савиясидаги ҳужумчи керак. Бербатов жуда истеъдодли ва тажрибали ҳужумчи. Уни ўз сафимизда кўришдан ҳурсанд бўлар эдик. Қолаверса, клубимиз президенти ҳам унинг жамоамиз сафига қўшилишини истаяпти", - дейди Аркан турк телеканалларидан бирига берган интервьюсида.
