Дортмунднинг "Боруссия" клуби ҳужумчиси Роберт Левандовскининг агенти ҳисобланган Майк Бартел ўз мижозининг Англия премьер-лигасига кўчиб ўтиши борасидаги масалага ойдинлик киритиб ўтди.
"Шу пайтгача бизга Англиянинг бир нечта жамоаларидан норасмий таклифлар тушди. Аммо, бирорта жамоа Левандовски борасида бизга расмий таклиф билан чиққани йўқ.
"Шу билан бирга ҳужумчи учун таклиф қилинаётган сумма - 13 миллион фунт жуда камдир. Левандовски бу суммадан анча қиммат туради. Қолаверса, Левандовскининг "Боруссия" билан амалдаги шартномаси мавжуд", дея агентнинг сўзларидан парча келтирмоқда, Goal.com cайти.
