"Манчестер Сити" бош мураббийи Пеп Гвардиола кеча Чемпионлар лигаси доирасида "Севилья"га қарши учрашувда ҳимоячи Рико Льюиснинг ўйини ҳақида фикр билдирди.
Эслатиб ўтамиз, 17 ёшли англиялик футболчи таркибда майдонга тушиб, жамоасининг 3:1 ҳисобида ғалаба қозонишига ёрдам берган гол урди.
"Биз ҳеч қандай совға қилмаймиз, сиз ўйнаш вақтини топишингиз керак. Рико билан мавсум олдидан ҳаммаси аён бўлди. Унда ўзига хос нарса бор. У жуда ақлли футболчи. У ундан сўралган ҳамма нарсани мукаммал тушунади. Мен жуда хурсандман", - деди Гвардиола ўйиндан кейин ўтказилган матбуот анжуманида.
