"Manchester Siti" bosh murabbiyi Pep Gvardiola kecha Chempionlar ligasi doirasida "Sevilya"ga qarshi uchrashuvda himoyachi Riko Lyuisning o‘yini haqida fikr bildirdi.

Eslatib o‘tamiz, 17 yoshli angliyalik futbolchi tarkibda maydonga tushib, jamoasining 3:1 hisobida g‘alaba qozonishiga yordam bergan gol urdi.

"Biz hech qanday sovg‘a qilmaymiz, siz o‘ynash vaqtini topishingiz kerak. Riko bilan mavsum oldidan hammasi ayon bo‘ldi. Unda o‘ziga xos narsa bor. U juda aqlli futbolchi. U undan so‘ralgan hamma narsani mukammal tushunadi. Men juda xursandman", - dedi Gvardiola o‘yindan keyin o‘tkazilgan matbuot anjumanida.