"Барселона" "Челси"дан Жоржиньони сотиб олмоқчи
"Барселона" қишки трансфер ойнасида "Челси" ярим ҳимоячиси Жоржиньони қўлга киритишга умид қилмоқда. Каталония клуби директори Матеу Алеманининг шахсан ўзи ярим ҳимоячини сотиб олишдан манфаатдор ва футболчининг агенти билан аллақачон алоқага чиққан, деб хабар беради Diario Sport.
Футболчи вакилининг сўзларига кўра, италияликнинг ўзи фаолиятини Каталония клубида давом эттиришдан хурсанд бўларди.
"Барселона" раҳбарияти бу савиядаги ўйинчи жамоага бу мавсумда ҳам клуб ютиши мумкин бўлган барча совринлар учун курашда ёрдам бера олишига ишончи комил.
30 ёшли ярим ҳимоячининг "Челси" билан шартномаси 2023 йилнинг ёзига қадар тузилган. Жорий мавсумда футболчи барча мусобақаларда 17 та ўйин ўтказиб, 3 та гол урган.
