"Челси" ҳимоячиси Бен Чилуэлл Чемпионлар лигаси гуруҳ босқичи 6-тури доирасида Загребнинг "Динамо"сига қарши ўйинда жароҳат олди.
Футболчининг текширув натижалари ҳозирча маълум эмас. Бироқ айрим манбалар футболчи 2022 йилда майдонга тушмаслиги мумкинлигини кўрсатмоқда. Бу ҳақда The Telegraph ўз саҳифаларида сўз юритади.
Бен Чилуэллнинг жароҳати Англия термасига ҳам зарба бўлди. Агар бу хабарлар тасдиқланса, ҳимоячи Қатарга бормайди.
Эслатиб ўтамиз, жаҳон чемпионати 20 ноябрь куни бошланади. Англия терма жамоаси АҚШ, Уэльс ва Эрон терма жамоалари билан бир гуруҳдан жой олган.