“Манчестер Сити”нинг швейцариялик ҳимоячиси Мануэль Аканжи мухлислар томонидан октябрь ойининг энг яхши футболчиси деб топилди. Бу ҳақда инглиз клуби расмий сайти хабар бермоқда.
Аканжи 45% овоз тўплаб, 37% мухлислар томонидан энг яхши деб топилган дарвозабон Эдерсонни ортда қолдирди.
Эслатиб ўтамиз, август ва сентябрь ойлари натижаларига кўра норвегиялик ҳужумчи Эрлинг Холанд "Манчестер Сити"нинг энг яхши футболчиси деб топилганди.
Холанд ҳам, Аканжи ҳам аввалроқ Дортмунднинг «Боруссия»сида ўйнаган. Ҳимоячи жорий мавсумда “шаҳарликлар” сафида барча мусобақаларда 10 та ўйинда майдонга тушди, бироқ бирорта ҳам гол ура олмади.
