“Manchester Siti”ning shveysariyalik himoyachisi Manuel Akanji muxlislar tomonidan oktyabr oyining eng yaxshi futbolchisi deb topildi. Bu haqda ingliz klubi rasmiy sayti xabar bermoqda.
Akanji 45% ovoz to‘plab, 37% muxlislar tomonidan eng yaxshi deb topilgan darvozabon Edersonni ortda qoldirdi.
Eslatib o‘tamiz, avgust va sentyabr oylari natijalariga ko‘ra norvegiyalik hujumchi Erling Xoland "Manchester Siti"ning eng yaxshi futbolchisi deb topilgandi.
Xoland ham, Akanji ham avvalroq Dortmundning «Borussiya»sida o‘ynagan. Himoyachi joriy mavsumda “shaharliklar” safida barcha musobaqalarda 10 ta o‘yinda maydonga tushdi, biroq birorta ham gol ura olmadi.
