"Бавария" бош мураббийи Юлиан Нагельсманн жамоа ҳужумчиси Эрик Чупо-Мотингни мақтади.
“Мен Чупонинг ўйинидан жуда мамнунман. Мен у жамоада ўзини қулай ҳис қилаётганини сезяпман. У айни дамда бизнинг энг яхши футболчиларимиздан бири”, - дейди Нагельсманн.
33 ёшли Чупо-Мотингнинг янги шартномаси яқин ойларда муҳокама қилиниши ҳақида аввалроқ хабар берилганди. Ҳозиргиси 2023 йилнинг ёзида тугайди.
Чупо-Мотинг жорий мавсумда “Бавария” сафида барча турнирлар доирасида 13 та ўйинда майдонга тушиб, 8 та гол урди ва 3 та голли узатмани амалга оширди. У немис клубига 2020 йилнинг октябрь ойида "ПСЖ"дан текинга ўтганди.
