Зинедин Зидан "Реал Мадрид"ни тарк этганига бир йилдан кўпроқ вақт бўлди, аммо у ҳамон ишламаяпти. Лекин французни тез орада сафга қайтишини кўрамиз шекилли. Libertad Digital хабарига кўра, Зидан Франция футбол федерацияси (FFF) билан жаҳон чемпионатидан сўнг Дидье Дешамнинг ўрнига мураббий бўлиш борасида аллақачон келишувга эришган. Натижадан қатъий назар.
“Мураббийлик костюмини соғиндимми? Тез орада мени захира ўриндиғида кўрасиз”, - дейди Зидан октябрь ойи охирида қайтиши ҳақида берлиган саволга.
Июнь ойида Зинедин L'Equipe нашрига берган интервьюсида Франция терма жамоасини бошқаришни орзу қилишини тан олганди: “Умид қиламанки, бир кун келиб терма жамоа мураббийи бўламан. Қачон? Бу менга боғлиқ эмас. Лекин мен терма жамоа ишламоқчиман. Мен Францияда ўйнаганман ва бу мен билан содир бўлган энг яхши воқеа!
Бу содир бўлиши керак. 2022 йилги жаҳон чемпионатидан кейин ёки йўқлигини билмайман. Ҳозир жамоанинг ўз мақсадлари бор. Имконият пайдо бўлганда мен тайёр бўламан."
Зиданга "Манчестер Юнайтед", "ПСЖ" ва "Челси" клублари қизиқиш билдираётган эди. Ҳаммасини рад этди
Зинединнинг янги иши ҳақидаги миш-мишлар франциялик футболчи "Реал"дан кетганидан сўнг деярли дарҳол пайдо бўлди.
• Зиданга асосий даъвогарлардан бири "Манчестер Юнайтед" эди. 2021 йилнинг кузида инглиз клуби франциялик собиқ футболчини Оле-Гуннар Сульшер ўрнига мураббий бўлишини хоҳларди, бироқ рад жавоби келди – француз ОАВлари унинг рафиқаси Англияга кўчиб ўтишни истамагани, мураббийнинг ўзи эса танаффус олмоқчи эканлигини ёзишди.
• "ПСЖ" ҳам Маурисио Почеттино ўрнига ўринбосар қидираётган эди. Франциялик мутахассис мавсум ўртасида клубга келишни истамади, аммо парижликлар хижолат бўлишмади – раҳбарият ёзгача кутишга тайёр эди. Аммо кейин маълум бўлдики, Зидан француз жамоасидан таклиф кутаётган экан, Париж клуби эса бошқа номзодларга ўтган.
• Зидан фақат "ПСЖ", "Бавария", "Ювентус" ва "Реал Мадрид"да ишлашга тайёрлигини ёзди. Зинедин инглиз клубларидан бирига боришни истамаслигини қуйидагича изоҳлади: “Мен инглиз тилини тушунаман, лекин мукаммал гапира олмайман. Тил билмасдан клублар билан ишлаётган мураббийлар борлигини биламан. Лекин менда услуб бошқача.
• Зидан билан музокара ўтказмоқчи бўлган охирги клуб "Челси" эди. Sky Sports нашрининг ёзишича, Томас Тухель кетганидан кейин клуб музокаралар олиб борган, бироқ натижа бўлмаган.
Зидан "Реал"дан кетганидан кейин нималар қилди?
Ҳеч қандай ғайритабиий нарса йўқ - бунинг учун Зиданнинг ижтимоий тармоқларига қаранг.
Француз турмуш ўртоғи билан кўп вақт ўтказди.
Теннис ва стол теннис каби спортлар билан шуғулланди.
У 1998 йилги жаҳон чемпионатида Франция терма жамоасидаги жамоадошлари билан учрашди. Кимларни танидингиз?
Ва албатта, у ўзини ажойиб жисмоний формасини сақлаб қолди.
Май ойида Зидан 49 ёшида бобога айланди.
Зиданни мураббий сифатида соғиндингизми?
