"Тоттенхэм" ҳужумчиси Сон Хён Мин Чемпионлар лигаси гуруҳ босқичи доирасида "Марсель"га (2:1) қарши ўйинда кўзидан жароҳат олиб, жума куни муваффақиятли операция қилинди.
The Telegraph нашрининг ёзишича, шифокорлар 30 ёшли кореялик футболчи 2022 йилги жаҳон чемпионатида терма жамоа сафида ўйнашга тайёр бўлишига ишонч билдирмоқда. Бироқ, у "шпорлар"нинг жаҳон чемпионати олдидан қолган учта учрашувини ўтказиб юборади.
ЖЧ-2022 Қатарда 20 ноябрдан 18 декабрга қадар бўлиб ўтади. Корея терма жамоаси Уругвай, Гана ва Португалия билан бир гуруҳдан жой олади.
