Кўплаб мухлислар сабрсизлик билан кутаётган Жаҳон чемпионати старт олишига 15 кун вақт қолди. Шу сабабли биз сизларга мундиалнинг 15 фаворидини таништирамиз. Бугун биз тилга оладиган жамоалар чемпионлик учун даъвогарлик қила олмаслиги мумкин, аммо улар 32 жамоа орасидаги ўйин сифати бўйича ҳар қандай жамоага бош оғриғи бўлиши мумкин. Демак биз, фаворитлар қаторида 15 ўринга лойиқ кўрилган 3 жамоа ҳақида маълумот беришни бошлаймиз.
15. АҚШ
Грег Бералтер бошчилигидаги Америка термаси ушбу мундиалда гуруҳ босқичида язши ўйинлар кўрсатиб, плей-оффга йўлланма олиши кутилмоқда. Бералтер қўл остида у қадар ёрқин йулдузлар ёки Донаван ва Демпси сингари соф етакчилар йўқ. Жамоа асосан келажаги порлоқ бўлиши кутилган ва кутилаётган таркиб билан мундиалга йўл олиши ойдинлашмоқда. Жамоанинг асосий ютуғи улар гуруҳ босқичида нисбатан енгилроқ 2 рақибга дуч келгани ва тақвим ҳам бир-мунча қулайлигида десак бўлади. Гуруҳ етакчиси бўлиши кутилаётган инглизлар билан "юлдузлар" 2 турда тўқнаш келишади. илк баҳс Уэльс термасига қарши бўлади. Айнан ўша илк ўйинда қўлга киритиладиган очко, АҚШнинг мундиалдаги йўлини белгилаб беради. Жамоа таркиби жиҳатидан Америка 2 рақиби Уэльс ва Эронга қараганда кучлироқ.
Жамоа юлдузлари: Сержиньо Дест("Милан"), Уистон Маккенни("Ювентус"), Пулишич("Челси"), Жио Рейна ("Боруссия Д") ва Бренден Ааронсон ("Лидс")
15. Мексика
Яна бир Шимолий Америка қитъаси вакили доим мундиалда кутилмаган натижалари билан мухлисларни ҳайратга солиб келаверади. Улар етакчиларни гуруҳда қолдириб юбориш бўйича кўплаб жмоаларга мастер-класс ўтаб беришса бўлади. Унчалик кучли бўлмаган таркиб мундиалларга бошқача тайёрланади. Херардо Мартино бошчилигидаги жамоа Польша Аргентина ва Саудия Арабистони билан бир гуруҳдан жой олган. Бу ўринга Польша ёки Мексика танловини қилиш керак пайти кўп ўйлаб ўтирмай Мексикани танладим. Бунга эса асосий сабаб жамоадаги аксарият футболчилар Левандовски бошчилигидаги жамоа футболчиларидан савиялироқ. Польшада эса фақат Левандовски, Мэтти Кеш, Зелински ва Шчесни топ футболчи. Шунингдек, ўша айтаётган футболчиларим мундиаллардаги тажриба борасида мексикаликлардан ортроқда. Мексика аньанаси давомм этса, биз мундиалнинг гуруҳ босқичида Месси ёки Левадан бири билан хайрлашамиз. Ёки мундиалларнинг энг яхши дарвозабони Очоа Осиёни эртароқ тарк этади.
Жамоа юлдузлари: Очоа ("Америка"), Эдсон Алварес ("Аякс") Андрес Гуардадо ("Бетис") Эктор Эррера ("Ҳьюстон") Рауль Ҳименес ("Вулвз") ва Ирвинг Лосано ("Наполи")
15. Сербия
Бу жамоани етакчилар қаторида кўриш сал ғалати туйилиши мумкин. Аммо улар бунга арзийди. Гуруҳда Швейцария ва Сербия тўқнашуви ёниши аниқ. Улар бир-бири билан футбол ўйнмаслиги аниқ. Бу ўйин шунчаки жангга, стадион эса жанг майдонига айланиб кетади. Швейцария тажриба борасида Сербиядан устун ва улар ҳақида сал кейинроқ тўхталиб ўтамиз. Мундиал саралаши босқичида Сербия Португалия билан бир гуруҳга тушгани ва гуруҳ босқичини пешқадам сифатида якунлагани ҳамманинг эсида бўлса керак. Якунда португаллар ўтиш ўйинлари туфайли мундиалга чиптани қўлга киритган эди. Бу сафар серблар Бразилия ва Швейцария билан бир гуруҳда ғолиблик учун курашади. Камерун эса фақатгина очко улашадиган жамоа бўлиб қолиши мумкин.
Жамоа юлдуздари: Душан Тадич ("Аякс"), Филипп Костич ("Ювентус"), Александар Митрович ("Фулхэм"), Лука Йович ("Фиорентина") ва Душан Влахович ("Ювентус")
Давоми бор.
Миржалол Пардабоев тайёрлади.
