Англиянинг ЕЧЛ мусобақасида қатнашаётган 4 клуби ҳам нимчорак финал босқичига қийинчиликсиз йўл олди. АПЛ шарафини ҳимоя қилаётган "Манчестер Сити", "Челси" ва "Тоттенхэм"лар ўз гуруҳларини етакчи сифатида якунлаган бўлса, "Ливерпуль" "Наполи"дан кейинги, иккинчи поғонани эгаллади. Шу сабабли Юрген Клопп шогирдлари нимчорак финалда гуруҳ баҳсларини етакчи сифатида тугатган рақибга дуч келади. Қуйида қуръанинг эҳтимолий кўриниши ҳақида гап боради.

Ушбу қуръага кўра, "Ливерпуль" ничорак финалда "Бавария" билан тўқнаш келади. Агар амалда ҳам шундай бўлса, биз Садио Маненинг "Энфилд"га қайтишини кузатишимиз мумкин бўлади. Немис гиганти гуруҳ баҳсларини барчасида ғалабага эришди. Шу сабабдан ўзига, нисбатан осонроқ рақиб кутишга ҳақли.
"Ливерпуль", шунингдек, қуръада "Реал" ёки "Бенфика"га қарши ўйнаши ҳам мумкин. Агарда шундай бўлса, биз Дарвин Нуньеснинг собиқ жамоасига қарши чиқишини кўриш имконига эга бўламиз.

"Челси" душанба куни бўлиб ўтадиган қуръадан кўп нарса умид қилади. Лондонликларга эҳтимолий рақиб "Айнтрахт" бўлади. Албатта, бу вариант "Челси" учун "ПСЖ" ёки "Боруссия Дортмунд"га қарши чиқишдан яхшироқдир.
Шунингдек, тахминий жуфтликларда "Тоттенхэм" ва "Брюгге" рақибга айланиши айтилган. Антонио Конте фаолиятида ЕЧЛнинг чорак финалидан уёғига ўта олмаган. Агарда ҳақиқий қуръада ҳам "Брюгге" рақибга айланса, у ҳолда "Тоттенхэм"нинг имкониятлари яхшироқ бўлади.

Пеп Гвардиола жамоаси бўлмиш "Манчестер Сити", "Интер"га қарши ўйнаши айтилган. Эрлинг Холанд омон бўлиб турса, "шаҳарликлар" учун "Интер" тўсиғидан ўтиш унчалик ҳам муаммо бўлмайди.

"Наполи" ўз гуруҳида етакчи эди. Шу сабабдан "BVB" билан тўқнаш келиш эҳтимоли мавжуд.
"Реал Мадрид" эса "Милан"га дуч келиши айтилган. Шунингдек, қолган икки жуфтликдан "ПСЖ" - "Порту" ҳамда "Лейпциг" - "Бенфика" ўрин олган.

ИСМАТОВ Ж.