Angliyaning YECHL musobaqasida qatnashayotgan 4 klubi ham nimchorak final bosqichiga qiyinchiliksiz yo‘l oldi. APL sharafini himoya qilayotgan "Manchester Siti", "Chelsi" va "Tottenxem"lar o‘z guruhlarini yetakchi sifatida yakunlagan bo‘lsa, "Liverpul" "Napoli"dan keyingi, ikkinchi pog‘onani egalladi. Shu sababli Yurgen Klopp shogirdlari nimchorak finalda guruh bahslarini yetakchi sifatida tugatgan raqibga duch keladi. Quyida qur’aning ehtimoliy ko‘rinishi haqida gap boradi.
Ushbu qur’aga ko‘ra, "Liverpul" nichorak finalda "Bavariya" bilan to‘qnash keladi. Agar amalda ham shunday bo‘lsa, biz Sadio Manening "Enfild"ga qaytishini kuzatishimiz mumkin bo‘ladi. Nemis giganti guruh bahslarini barchasida g‘alabaga erishdi. Shu sababdan o‘ziga, nisbatan osonroq raqib kutishga haqli.
"Liverpul", shuningdek, qur’ada "Real" yoki "Benfika"ga qarshi o‘ynashi ham mumkin. Agarda shunday bo‘lsa, biz Darvin Nunyesning sobiq jamoasiga qarshi chiqishini ko‘rish imkoniga ega bo‘lamiz.
"Chelsi" dushanba kuni bo‘lib o‘tadigan qur’adan ko‘p narsa umid qiladi. Londonliklarga ehtimoliy raqib "Ayntraxt" bo‘ladi. Albatta, bu variant "Chelsi" uchun "PSJ" yoki "Borussiya Dortmund"ga qarshi chiqishdan yaxshiroqdir.
Shuningdek, taxminiy juftliklarda "Tottenxem" va "Bryugge" raqibga aylanishi aytilgan. Antonio Konte faoliyatida YECHLning chorak finalidan uyog‘iga o‘ta olmagan. Agarda haqiqiy qur’ada ham "Bryugge" raqibga aylansa, u holda "Tottenxem"ning imkoniyatlari yaxshiroq bo‘ladi.
Pep Gvardiola jamoasi bo‘lmish "Manchester Siti", "Inter"ga qarshi o‘ynashi aytilgan. Erling Xoland omon bo‘lib tursa, "shaharliklar" uchun "Inter" to‘sig‘idan o‘tish unchalik ham muammo bo‘lmaydi.
"Napoli" o‘z guruhida yetakchi edi. Shu sababdan "BVB" bilan to‘qnash kelish ehtimoli mavjud.
"Real Madrid" esa "Milan"ga duch kelishi aytilgan. Shuningdek, qolgan ikki juftlikdan "PSJ" - "Portu" hamda "Leypsig" - "Benfika" o‘rin olgan.
ISMATOV J.
