Туриннинг "Ювентус" клуби айни пайтда "Арсенал" сардори Робин Ван Перси учун кураш олиб бораётганидан хабарингиз бор. Турин клуби рааҳбарияти агарда ушбу трансфер амалга ошмай қолса, бор эътиборини "Ливерпуль" ҳужумчиси Луис Суаресга қаратмоқчи.
Эсингизда бўлса, туринликлар ўтган мавсум ярмида ҳам уругвайлик ҳужумчи билан алоқага чиқишган ва уни сотиб олишга уриниб кўринишган эди.
Айни пайтда "Юве" раҳбарияти жамоага юқори савияли ҳужумчи сотиб олишга қаттиқ киришган. Клуб бош директори Бепе Мароттанинг фикрича, Луис Суарес билан яқин орада яна алоқага чиқилади.
Норасмий маълумотларга қараганда, туринликлар уругвайли футболчи учун 20 миллион евро тўлашга тайёр.
