"Аталанта" бош мураббийи Жан Пьеро Гасперини Италия чемпионатининг 13-тури доирасида "Наполи"га қарши ўйиндаги (1:2) мағлубиятдан сўнг ўз ҳис-туйғулари билан ўртоқлашди.
“Ишончим комилки, олдинда яхши чемпионат кутиб турибди, мағлубиятга қарамай, ривожланиш кўзга ташланмоқда. “Наполи”дек кучли ҳимоя чизиғига эга жамоага қарши ўйинда вазиятлар яратиш осон бўлмади. Бундай ўйинлар эвазига жамоа ўсади. Биз қаерга боришимизни билмайман, лекин бундай ўйинлар бизга ҳаммаси яхши бўлишига ишонч бағишлайди", - дея Гасперинидан иқтибос келтиради DAZN.
“Наполи” 35 очко жамғариб, А Серияда пешқадам бўлиб турибди. “Аталанта” ҳамон 27 очко билан иккинчи ўринда.
