Хавининг фикрича, "Барселона"нинг ҳужумкор ўйини Роберт Левандовскига боғлиқ эмас.
Ла Лиганинг 13-туридан ўрин олган "Альмерия"га қарши ўйиннинг 7-дақиқасида ҳужумчи пенальтини голга айлантира олмади, аммо Усмон Дембеле ва Френки де Йонгнинг голлари эвазига "Барса" 2:0 ҳисобида ғалаба қозонди.
“Ажойиб янгилик шундаки, Роберт буни уддалай олмаса ҳам бошқа футболчилар гол уришади. Биз унга қарам эмасмиз.
Биз ҳужумда қандай ҳаракат қилишни жуда яхши тушундик. Дембеленинг голи ўтиш босқичидаги яхши ўйинлари эвазига урилди.
Ҳужумкор ўйинимиз янада етуклашди. Кўп ўйинларда биз темпни назорат қила олмадик, аммо бугун буни уддаладик”, - дейди “Барселона” бош мураббийи.
