"ПСЖ" бош мураббийи Кристоф Галтье жамоа ҳужумчиси Килиан Мбаппенинг "Лорьен"га қарши ўйинда (2:1) олган жароҳати ҳақида фикр билдирди.

“Килианда жиддий жароҳат йўқ. Сизни бунга ишонтириб айтаман. У кўп ўйин ўтказади, шунинг учун биз уни хавф остига қўймаслик учун алмаштиришга қарор қилдик. Албатта, мен уни ўйинда қолдиришим мумкин эди, лекин шу билан бирга узоқ муддатга сафдан чиқиш имконияти ҳам бўларди", - деди "ПСЖ" устози RMC Sport билан суҳбатда.

Франция чемпионатининг жорий мавсумида Мбаппе 13 та жангда қатнашиб, 11 та гол урган. Шунингдек, у УЕФА Чемпионлар Лигаси гуруҳ босқичининг олтита учрашувида 7 та гол урди.