"PSJ" bosh murabbiyi Kristof Galtye jamoa hujumchisi Kilian Mbappening "Loryen"ga qarshi o‘yinda (2:1) olgan jarohati haqida fikr bildirdi.
“Kilianda jiddiy jarohat yo‘q. Sizni bunga ishontirib aytaman. U ko‘p o‘yin o‘tkazadi, shuning uchun biz uni xavf ostiga qo‘ymaslik uchun almashtirishga qaror qildik. Albatta, men uni o‘yinda qoldirishim mumkin edi, lekin shu bilan birga uzoq muddatga safdan chiqish imkoniyati ham bo‘lardi", - dedi "PSJ" ustozi RMC Sport bilan suhbatda.
Fransiya chempionatining joriy mavsumida Mbappe 13 ta jangda qatnashib, 11 ta gol urgan. Shuningdek, u UYEFA Chempionlar Ligasi guruh bosqichining oltita uchrashuvida 7 ta gol urdi.
