"Тоттенхэм" бош мураббийи Антонио Конте жамоа ҳужумчиси Сон Хён Мин Қатарда бўлиб ўтадиган Жаҳон чемпионатига қадар соғайиб кетишига ишонч билдирди.
Ўтган ҳафта ўрталарида Чемпионлар лигаси доирасида "Марсел"га қарши ўйинда кўзидан жароҳат олган Сон операция қилинишига тўғри келди.
“Ливерпул”га қарши ўйинда 1:2 ҳисобида мағлуб бўлган Конте Жанубий Корея терма жамоаси етакчисининг саломатлиги ҳақида гапирди.
"Сонга операциядан кейин хабар юбордим. Сон бу ҳолатдан жуда хафа бўлди, лекин умид қиламанки, у тузалиб, Жаҳон чемпионатида ўйнайди, чунки мен ўзим футболчи бўлганман ва Жаҳон чемпионатининг аҳамиятини биламан.
Ишончим комилки, у тезда қайтиб, Жаҳон чемпионатида ўйнай олади. У ҳозир касалхонада эмас, уйда", - деди Конте Daily Mail билан суҳбатда.
