Италиянинг "Милан" клуби ўзининг асосий ҳужумчисидан айрилгач, бу чизиққа янги футболчи қидириш билан овора. Маълумотларга қараганда, "Милан" "Барселона" ҳужумчиси Давид Вильяни ўз сафига қўшиб олиш ниятида.
Италия матбуотининг хабар беришича, "Россонери" 30 ёшли испаниялик ҳужумчини сотиб олиш борасида каталонияликлар билан учрашмоқчилар.
Ўтган мавсумнинг асосий қисмини жароҳати туфайли ўтказиб юборган Давид Вильяни "Барса" ўз сафида олиб қолишдан манфаатдорлигини айтиб ўтган эди. Шундай бўлсада, миланликлар ҳужумчи борасида келишувга эришишдан умидворлар.
