"Реал Мадрид"га тегишли ярим ҳимоячи Эден Азар январь ойидаги трансфер ойнаси учун "Ньюкасл"нинг асосий мақсадига айланди. El Nacional хабарига кўра, англияликлар 31 ёшли белгиялик футболчини 20 миллион евро эвазига сотиб олишга тайёр.
Ўз навбатида, Испанияда муваффақиятли фаолият олиб бормаган Азар Англия Премьер-лигасига қайтишга тайёр. "Реал"га ўтишдан олдин Эден Лондоннинг "Челси" жамоасида ўйнаган.
Ярим ҳимоячи 2019 йилда "Реал"га ўтган эди. Унинг трансфери Мадридга 115 миллион еврога тушди. “Қаймоқранглилар” сафида Азар 72 та ўйин ўтказиб, 7 та гол урди ва 11 та голли узатмани амалга оширди.
