22 ёшли канадалик ҳужумчи Жонатан Дэвид шу қишда Франциянинг "Лилль" клубини тарк этиб, Премьер-лигага ўтиши мумкин.
Caughtoffside нашри журналистларининг хабар беришича, ҳужумчининг трансферига "Тоттенхэм" қизиқиш билдирмоқда.
Потенциал келишув суммаси 45 миллион еврога баҳоланмоқда. Жорий мавсумда Жонатан Лига 1да 14 та ўйинда майдонга тушиб, 9 та гол урди. Футболчининг Франция клуби билан амалдаги шартномаси 2025 йилнинг ёзига қадар амал қилади.
Англия Премьер-лигасининг 15-тури якунларига кўра, “Тоттенхэм” 26 очко жамғариб, турнир жадвалида тўртинчи ўринни эгаллаб турибди.
