Камерун футбол федерацияси президенти Самуэль Это`О бўлажак жаҳон чемпионати олдидан ўз фикрлари билан ўртоқлашди. "Барселона"нинг собиқ ҳужумчиси ватандошлари жаҳон чемпионати финалига чиқишини айтди.
"Қитъамиз жамоалари ҳар доим жаҳон чемпионатида ғалаба қозонишга муваффақ бўлган, аммо ҳозирча биз ҳар доим ҳам ўзимизни энг яхши томонларимизни кўрсата олмадик. Энди биз жаҳон чемпионатида нафақат ўйнаймиз, балки ғалаба қозона оламиз. Ўйлайманки, Камерун финалда Марокашни мағлуб этади", - деди Это`О Ouest France билан суҳбатда.
Жаҳон чемпионати 2022 йилнинг 20 ноябридан 18 декабрига қадар Қатарда бўлиб ўтади. Франция амалдаги жаҳон чемпиони ҳисобланади.
