"Манчестер Сити" бош мураббийи Хосеп Гвардиола жамоанинг асосий ҳужумчиси Эрлинг Холанднинг аҳволи ҳақида гапирди.
Эслатиб ўтамиз, "Фулхэм"га қарши сўнгги ўйинда Холанд захирадан майдонга тушган ва бунгача иккита ўйинни ўтказиб юборганди.
“У ҳали ҳам мукаммал эмас. Эртага кўрамиз. Асосийси, ҳеч қандай синиш йўқ. Фақат томирлари бироз шикастланган. Ҳозир унинг аҳволи идеал эмас. Келинг, бир ҳафта - 10 кундан кейин нима бўлишини кўрамиз. Агар ҳаммаси яхши бўлса, у Норвегия терма жамоасида ўйнайди. Бу футболчилар учун жуда муҳим” -, деди Гвардиола матбуот анжуманида.
9 ноябрь, чоршанба куни “Манчестер Сити” Лига кубоги доирасида “Челси”га қарши майдонга тушади.
