Испания терма жамоаси ва "Малага" клуби яримҳимоячиси Санти Касорла фаолиятини "Арсенал"да давом эттириши мумкин, дея хабар беради The Guardian.
Футболчининг ўзи Англия клубига "Малага"ни тарк этишини ва "канонирлар"га қўшилишини айтиб ўтган.
"Арсенал" бош мураббийи Арсен Венгер испанларнинг 20 миллион евролик таклифга кўнишидан умидвор.
Қўшимча қиламаз, "Малага" дастлаб Касорла учун 45 миллион евро сўраган эди, футболчининг шартномасида айнан шу сумма кўрсатилган. Аммо клубнинг бугунги молиявий аҳволидан келиб чиқиб, клуб раҳбарияти бундан камига ҳам рози бўлишлари мумкин.
Ўтган мавсумда Касорла Испания чемпионатида 38 ўйинда иштирок этиб, 9 та гол урган.