Бразилия терма жамоаси бош мураббийи Титенинг фикрича, у "Ювентус" ҳимоячиси Бремерни терма жамоага эртароқ чақириши керак эди. 25 ёшли бразилиялик ЖЧ-2022 учун терма жамоа рўйхатига киритилган.
“Бремер “Торино” ва “Ювентус”даги ажойиб ўйинлари туфайли жаҳон чемпионатига боради. Балки биз уни олдин сезмай хато қилгандирмиз. У кўпроқ эътиборга лойиқ эди. Бремер сифатли ўйинчи", - деди Тите.
Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади. Бразилия терма жамоаси Сербия, Швейцария ва Камерун билан бир гуруҳдан жой олди.
