Каталониянинг "Барселона" клуби бош мураббийи Хави Эрнандес Испания Ла лигасининг 14-туридан ўрин олган "Осасуна"га қарши ўйинда ҳакамлар бригадасининг ҳаракатига изоҳ берди.
Учрашувда ҳужумчи Роберт Левандовски ҳамда захира ўриндиғида ўтирган ҳимоячи Жерар Пике майдондан четлатилди.
"Футболчиларимизни четлатилиши? Бу қарорлар ўйиннинг моҳиятини акс эттиради. Бу ўйинда бизга нисбатан адолатсиз қарорлар қабул қилинди. Ҳакамлар шу дақиқаларда жуда кўп меҳнат қилишди, мен бу масалада қўшимча қиладиган ҳеч нарсам йўқ", - деди Хави Barca Times билан суҳбатда.
Эслатиб ўтамиз, учрашув 2:1 ҳисобида "Барселона"нинг иродали ғалабаси билан якунланди.
