Жерар Пике "Осасуна" - "Барселона" (1:2) учрашуви бош ҳакамини қўпол равишда ҳақорат қилди.

Фаолиятидаги сўнгги ўйинни захира ўриндиғида бошлаган ҳимоячи танаффусда бош ҳакам Хесус Хил Мансано билан Роберт Левандовскининг майдондан четлатилиши борасида баҳслаша бошлади. Ҳакам Пикени майдондан четлатди.

Мансано ўйиндан сўнг 35 ёшли футболчининг қизил карточкага сабаб бўлган сўзларини баённомага ёзиб қўйди.

"Жерард майдондан четлатилди, чунки туннелда биринчи бўлим охирида у менга шундай деди: "Бизга қарши белгиланган бурчак тўпини кўрдингизми? Сиз бизга энг кўп хиёнат қилган ҳакамсиз.

Пикега қизил карточка кўрсатилгач, у юқорида тавсифланган ибораларни такрорлашда давом этди. Клуб ходимлари уни кийиниш хонасига олиб боришганда, у менга шундай деди: "Сен шармандасан, сен худбинсан, сен ***сан" - деб ёзган ҳакам ўйин қайдномасига.