"Севилья" ярим ҳимоячиси Иван Ракитич Испания чемпионатида юбилей учрашувини ўтказмоқда.
Opta қайд этишича, шу дақиқаларда "Реал Сосьедад"га қарши ўйин хорват учун Ла Лигадаги 400-ўйин бўлди.
Эътиборлиси, 34 ёшли ярим ҳимоячи ўзининг жамоалари “Севилья” ва “Барселона” сафида роппа-роса 200 та ўйин ўтказган. Аввалги 399 учрашувда футболчи 57 гол уриб, 67 голга ассистентлик қилган.
Иван Ракитич Испанияга 2011 йилнинг бошида келган ва Германиянинг “Шальке-04” жамоасидан “Севилья”га 2,5 миллион евро эвазига ўтган эди.
Уч ярим йил ўтиб ярим ҳимоячини "Барселона" ўз сафига қўшиб олди, у трансфер учун 18 миллион евро тўлади ва 2020 йилда футболчи яна собиқ жамоасига қайтди.
