"ПСЖ" "Шахтёр" ва Украина терма жамоаси ярим ҳимоячиси Михайло Мудрикни сотиб олмоқчи, деб хабар беради Sport.fr.
Манбага кўра, француз клуби спорт директори Луис Кампос украиналик атрофидагилар билан дастлабки музокараларни ўтказган. Олдинроқ, "кончилар" футболчи учун 50-60 миллион евро олишни исташаётгани хабар қилинганди. Ярим ҳимоячига "Арсенал" ва "Манчестер Сити" клублари ҳам қизиқиш билдирмоқда.
Жорий мавсумда 21 ёшли Мудрик “Шахтёр” сафида барча турнирлар доирасида 15 та ўйинда майдонга тушиб, 8 та гол урди ва 7 та голли узатмани амалга оширди. Унинг клуб билан шартномаси 2026 йилнинг 31 декабригача амал қилади.
