“Манчестер Юнайтед” ҳужумчиси Криштиану Роналду Португалия терма жамоасининг Қатарда бўлиб ўтадиган жаҳон чемпионати учун қайдномасига киритилди.

37 ёшли португалиялик учун бу жаҳон чемпионати фаолиятидаги бешинчиси бўлиши керак. Шу тариқа, у мексикаликлар Антонио Карбахал ва Рафаэл Маркес ҳамда бешта жаҳон чемпионатида иштирок этган германиялик Лотар Матейснинг ютуғини такрорлайди.

Италиялик дарвозабон Жайнлуижи Буффон ҳам бешта турнирга ташриф буюрган, бироқ уларнинг тўрттасидагина майдонга туша олган.

Криштиану Роналду терма жамоа билан жаҳон чемпионатида ҳеч қачон медал ютмаган.