Германия терма жамоаси бош мураббийи Ханс-Дитер Флик Дортмунднинг "Боруссия" клуби ҳимоячиси Матс Хуммельснинг ЖЧ-2022 учун терма жамоа таркибига киритилмагани ҳақида фикр билдирди.
“Матс тўлиқ тайёр ва ажойиб ҳолатда. Аммо мураббийлар штабида биз ёшроқ футболчини танлашга қарор қилдик (Армель Белла-Кочап). Биз келажакка кўпроқ эътибор қаратган эдик ", - деди Флик.
Эслатиб ўтамиз, 33 ёшли футболчи Германия терма жамоаси таркибида 2014 йилда Бразилияда бўлиб ўтган жаҳон чемпионатида ғолиб чиққан эди.
ЖЧ-2022 Қатарда 20 ноябрдан 18 декабрга қадар бўлиб ўтади. Германия “E” гуруҳида Испания, Япония ва Коста-Рика билан ўйнайди.
