"Наполи" камерунлик ярим ҳимоячи Андре Замбо-Ангисса билан шартномани узайтирди. Клуб сайти хабарига кўра, янги шартнома 2025 йилнинг 30 июнига қадар амал қилади.
Шартномада келишувни яна икки йилга узайтириш варианти ҳам назарда тутилган.
26 ёшли камерунлик футболчи ўтган мавсумни "Фулхэм"дан ижара асосида итальян клубида ўтказди. Ёзда неаполликлар футболчининг ҳуқуқларини сотиб олишди.
Ярим ҳимоячи жорий мавсумда барча турнирлар доирасида 17 та ўйинда майдонга тушиб, 3 та гол урди ва 5 та голли узатмани амалга оширди.
Замбо-Ангисса 2022 йилда Қатарда бўлиб ўтадиган Жаҳон чемпионати учун Камерун терма жамоасига киритилди.
