Аввалроқ профессионал футболчилик фаолиятини якунлаганини эълон қилган испаниялик футболчи Жерар Пике футболчиларнинг турмуш тарзи ҳақида ўз фикрлари билан ўртоқлашди.
“Одамлар футболни жуда яхши кўришларини тушунаман, лекин улар футболчилар инсон эканлигини тушунишлари керак.
Улар фақат машқ қиладиган, овқатланадиган ва ухлайдиган робот эмас. Биз ижтимоий ҳаётни бошқаришимиз, зиёфатларга боришимиз керак.
Деярли 20 йиллик карьерам юқори даражада рақобатда ўтди, демак, мен ўзимга ғамхўрлик қилдим.
Ва мен зиёфатларга бордим. 20 ёшда кўчага чиқиш керак, 21 ёшда эса зиёфатларга бориш керак. Агар бундай бўлмаса, ҳаёт қоронғи бўлади", - дейди Пике.
