"Портсмут" клубининг собиқ бош мураббийи Ҳарри Реднапп ушбу клубнинг тарқалиб кетмаслиги учун қўлидан келган барча ишни қилишини таъкидлади.

"Мен Нванкво Кану билан гаплашиб кўраман, клуб ундан 3 миллион евро қарздорлиги юзасидан ёзган шикоятини қайтариб олишини сўраб кўраман. Кўрамиз, у муомалага кўнармикан? Мен уни жамоага қўшганимда, Тони Адамс "Ақлдан оздингизми, у футболни тамомлаганку?!" деган эди. Орадан олти йил ўтди, у ҳамон шу ерда.

Келишувга кўнмаётган "Портсмут" футболчилари тушунишлари керак: улар клубга ёрдам бермасалар, клуб тарқатиб юборилади ва улар бир фунт ҳам ололмайдилар.

Нималар бўлаётганини кўриб, юрагим ҳасталаняпти. Бу жамоани жуда яхши кўраман. Портсмут шаҳрини айланинг, "МЮ", "Арсенал" майкаларини кийганларни учратмайсиз - фақат "Портсмут". Ҳозир клубни футболни тушунадиган инсон бошқариши керак", - дейди Реднапп.