Футбол бўйича Испания терма жамоаси бош мураббийи Луис Энрике “Барселона”нинг таянч ярим ҳимоячиси Серхио Бускетс ҳақида ўз фикри билан ўртоқлашди ва уни “Катта дубулға” туркумига кирувчи турнирлар 22 карра ғолиб Рафаэль Надаль билан солиштирди.
“Менинг мақсадим Бускетсни бошқа жаҳон чемпионатида ўйнашга ишонтириш. Мен ҳазиллашганим йўқ, мен унга аллақачон айтдим. У Рафа Надалга ўхшайди. Унинг Федерер ва Жокович билан бир қаторда тарихдаги энг яхшиси бўлганига ва шундай бўлишига шубҳа борми? Агар биз жаҳон чемпионатида ўзимиз хоҳлагандек ўйнай олсак, рақиб майдонида тўпни назорат қила олсак, Бускетс дунёда биринчи бўлган ўзига хос Рафа Надалга айланади”, — деди Энрике матбуот анжуманида.