"Арсенал" ва Швейцария терма жамоаси ярим ҳимоячиси Гранит Жака жароҳати туфайли жаҳон чемпионатини ўтказиб юбориш хавфи остида.
Футболчи АПЛ 16-туридан ўрин олган "Вульверхэмптон"га (2:0) қарши ўйиннинг биринчи бўлимида жароҳат олган ва ўйиннинг 16-дақиқасидаёқ алмаштирилганди. 30 ёшли Жака жорий мавсумда “канонирлар” сафида 20 та ўйинда 4 та гол урди ва 3 та голли узатмани амалга оширди.
Жаҳон чемпионати 20 ноябрдан 18 декабрга қадар Қатарда бўлиб ўтади. Мусобақанинг гуруҳ босқичида Швейцария терма жамоаси Бразилия, Сербия ва Камерун терма жамоалари билан куч синашади.
