"Ньюкасл" бош мураббийи Эдди Хау АПЛнинг 16-тури доирасидаги "Челси" устидан қозонилган ғалаба (1:0) ҳақида фикр билдирди.
Мутахассис ўз тарбияланувчиларини яхши ўйин кўрсатгани учун юқори баҳолади, айниқса, дарвозабон Ник Поупнинг ўйинини алоҳида таъкидлади.
“Икки буюк жамоа ўртасидаги жуда яхши ўйин. Ник Поуп ўйинга тез-тез тушмасди, бироқ бир сейв билан бизни қутқариб қолди”, деди Хау ўйиндан кейин.
Бу ғалаба “Ньюкасл”га 30 очко тўплаш ва Англия чемпионати турнир жадвалининг учинчи поғонасига кўтарилиш имконини берди.
