"Ливерпуль" раҳбарияти "Наполи"нинг икки футболчиси - ярим ҳимоячи Хвича Кварацхелия ва ҳужумчи Виктор Осимхенни сотиб олмоқчи, деб хабар беради Gazette Dello Sport.

Манбага кўра, ҳар икки футболчининг хариди инглиз клубига камида 200 миллион еврога тушади. "Қизиллар" иккала трансферни ҳам 2023 йилнинг ёзида ташкил этишни режалаштиришган. "Ливерпуль" раҳбарияти футболчиларга қойил қолишади.

Жорий мавсумда “Наполи” Италия чемпионати турнир жадвалида пешқадамлик қилмоқда. Шунингдек улар ЕЧЛ “А” гуруҳида биринчи ўринда плей-офф босқичига йўлланма олди. “Ливерпуль” худди шу гуруҳда иккинчи ўринни эгаллади.

Неаполликлар сафида 17 та учрашувда Кварацхелия 8 та гол урди ва 10 та голли узатмани амалга оширди. 23 ёшли Осимхен, ўз навбатида, Италия чемпионатининг энг яхши тўпурари бўлиб, барча мусобақаларда 14 учрашувда ўнта гол урди.

Transfermarkt хабарига кўра, Осимхеннинг трансфер нархи 70 миллион евро, Кварацхелиянинг нархи эса 60 миллион евро.