Каталониянинг «Барселона» клуби президенти Жоан Лапорта Европа Суперлигаси лойиҳасининг афзалликлари ҳақида гапирди.
“Клублар учун бошиданоқ бир миллиард евро миқдорида пул мукофоти тақдим этилганди. Қолаверса, ушбу турнирда қатнашиб, ҳар йили 300 миллионга яқин даромад олишимиз мумкин эди. Суперлиганинг яна бир афзаллиги шундаки, клублар тўлиқ назоратга эга бўларди", - дейди Лапорта.
Эслатиб ўтамиз, Суперлига икки кун давом этган, шундан сўнг жамоатчиликнинг салбий муносабати туфайли лойиҳа музлатиб қўйилганди.