Италия А сериясининг ўн бешинчи туридан ўрин олган учрашувда «Интер» сафарда «Аталанта»ни мағлуб этишга муваффақ бўлди ва бу жамоага турнир жадвалида бешинчи ўринга кўтарилиш имконини берди.
Ушбу ўйинда иккита голни Эдин Жеко киритиб, жамоасига ғалаба келтирди.
Маълум бўлишича, бу Милан клубининг босниялик ҳужумчиси учун А сериядаги юбилей 250-ўйини бўлди. Италия футболи олий лигасида у нафақат ҳозирги клуби, балки «Рома»да ҳам ўйнаган.
Кейинги турда «Интер» чемпионат пешқадами «Наполи»ни қабул қилади, аммо бу ўйин келаси йилнинг бошида – 4 январда бўлиб ўтади.
