Italiya A seriyasining o‘n beshinchi turidan o‘rin olgan uchrashuvda «Inter» safarda «Atalanta»ni mag‘lub etishga muvaffaq bo‘ldi va bu jamoaga turnir jadvalida beshinchi o‘ringa ko‘tarilish imkonini berdi.

Ushbu o‘yinda ikkita golni Edin Jeko kiritib, jamoasiga g‘alaba keltirdi.

Ma’lum bo‘lishicha, bu Milan klubining bosniyalik hujumchisi uchun A seriyadagi yubiley 250-o‘yini bo‘ldi. Italiya futboli oliy ligasida u nafaqat hozirgi klubi, balki «Roma»da ham o‘ynagan.

Keyingi turda «Inter» chempionat peshqadami «Napoli»ni qabul qiladi, ammo bu o‘yin kelasi yilning boshida – 4 yanvarda bo‘lib o‘tadi.