«Real»ning fransuzlik yarim himoyachisi Eduardo Kamavinga «Galatasaroy» qiziqishlari doirasiga tushib qoldi. Bu haqda jurnalist Yag‘iz Sabunjo‘g‘li xabar bermoqda.
Manbaning ma’lumotlariga ko‘ra, «Galatasaroy» 23 yoshli xavbek haqida allaqachon ma’lumot to‘plashni boshlagan. Ammo Turkiya klubi hozircha «Real»ga rasmiy taklif bilan chiqmagani aytilmoqda.
Joriy mavsumda Kamavinga barcha turnirlarda 43 ta uchrashuvda maydonga tushib, 2 ta gol urdi va 1 ta golli uzatmani o‘z hisobiga yozdirib qo‘ydi. Yarim himoyachining «Real» bilan amaldagi shartnomasi 2029 yilgacha mo‘ljallangan. Transfermarkt mutaxassislari futbolchining transfer qiymatini 50 million yevroga baholashmoqda.
