«Реал»нинг французлик ярим ҳимоячиси Эдуардо Камавинга «Галатасарой» қизиқишлари доирасига тушиб қолди. Бу ҳақда журналист Яғиз Сабунжўғли хабар бермоқда.

Манбанинг маълумотларига кўра, «Галатасарой» 23 ёшли хавбек ҳақида аллақачон маълумот тўплашни бошлаган. Аммо Туркия клуби ҳозирча «Реал»га расмий таклиф билан чиқмагани айтилмоқда.

Жорий мавсумда Камавинга барча турнирларда 43 та учрашувда майдонга тушиб, 2 та гол урди ва 1 та голли узатмани ўз ҳисобига ёздириб қўйди. Ярим ҳимоячининг «Реал» билан амалдаги шартномаси 2029 йилгача мўлжалланган. Transfermarkt мутахассислари футболчининг трансфер қийматини 50 миллион еврога баҳолашмоқда.