"Челси"нинг собиқ бош мураббийи Томас Тухель Жаҳон чемпионатидан кейин Англия термасини бошқаришга умид қилмоқда.
The Telegraph нашрининг ёзишича, германиялик мураббий Буюк Британияда декабргача қолиши мумкин, чунки унинг визаси ҳали тугамаган. Томас "Уч шерлар"нинг ҳозирги устози Гарет Саутгейт ишдан бўшатилишини ва у бўш турган ўринни эгаллашига умид қилмоқда.
Сўнгги кунларда Тухель Ҳиндистонда бўлиб, у ерда таътилга чиқди. Эслатиб ўтамиз, сентябрь ойи бошида немис мутахассис "Челси" бош мураббийлигидан бўшатилиб, унинг ўрнига Грэм Поттерни тайинлаган.
