“Манчестер Юнайтед” футбол клуби раҳбарияти ҳужумчи Криштиану Роналдунинг шов-шувли интервьюси билан боғлиқ вазиятни муҳокама қилиш мақсадида бугун, 14 ноябрь куни бош мураббий Эрик тен Хаг билан учрашади, деб хабар бермоқда The Telegraph.
Манбага кўра, "Манчестер Юнайтед" ижрочи директори Ричард Арнольд, футбол директори Жон Мурто ва клуб раиси ва ҳаммуаллифи Жоэль Глазер менежер Эрик тен Хаг билан учрашиб, мавжуд вазиятдан чиқишнинг энг яхши йўли ва кейинги қадамларни аниқлашади.
Эслатиб ўтамиз, аввалроқ Роналду интервьюсида тен Хагни танқид қилиб, мураббийни ҳурмат қилмаслигини айтганди. 37 ёшли ҳужумчи, шунингдек, “қизил иблислар”ни тарк этишга тайёрлигини ҳам айтди. Интервью манчестерликлар учун "сюрприз" бўлди.
